Една од целите на училиштето е да се мултиплицираат иницијативите за меѓународна соработка особено во рамки на програмите на Еврпската унија  и Европската  комисија на образование, млади и спорт.

Цврсто сме определни во определбата за  учество во програмата Erasmus+    и за интегрирање на активностите на европската соработка во  воспитно-образовната работа на училиштето.

Преку програмите на ЕУ, а особено преку програмата Еразмус +, Република Македонија ја дава својата поддршка на евроинтегративните процеси и нашата аспирација кон европска перспектива. Во исто време, нејзиното полноправно членство во Меѓународната организација на франкофонијата е мотив плус за промовирање на францускиот јазик и вредностите на Франкофонијата за млади. Овие програмски определби, се насочени кон унапредување на општеството во кое живее една личност, мобилност на идеи и работна сила.

Платформата e -Twinning ни е добро позната бидејќи веќе осум години сме дел од таа платформа, успешно соработуваме со нашите ученици  во неколку проекти за E – twinning-платформата,  што исто така се означени со нашите 3 национални знаци за квалитет за проектите (La Boite Magique, Le Magazine, La Metaphore de l ‘amitie “).

E – twinning е фундаментална образовна  платформа за стекнување на професионално искуство преку размена на образовни практики и вештини со други европски колеги, без разлика на која дисциплина тие припаѓаат. Неколкуте алатки и полиња за виртуелна соработка им отвораат безброј можности на учениицте и наставниците за креативност и размена на знаења и  добри  практики.

Ова е токму она што мислиме  дека ќе придонесе за  отворање  на нови перспективи во нашиот образовен систем.

Што се однесува до младите како суштински дел од оваа програма, најважната порака што е лансирана преку  е Твининг е промовирање на трајни вредности меѓу нив – пријателство, толеранција, соработка, мултикултурализам и образовната идеологија за европски културен млад граѓанин.

Сфаќајќи дека клучна алатка за демократизација и унапредување на едно општество е образованието, сметаме дека тоа е благородна мисија на вработените во образованието да го дадат својот придонес во таа насока.