На 10 и 11 мај 2019 година се изведе дводневна наставно-научна екскурзија со учениците од шесто и деветто одделение на релација Лозово – Охрид и обратно. . Екскурзијата е дел од програмските содржини по наставните предмети.Попатно учениците беа запознавани со пределите и природните убавини низ кои патуваа.Го посетија Горен град и Маркови кули кај Прилеп, каде учениците можеа одблиску да се запознаат со средновековни градби и историјата од тој период. Го посетија и прекрасниот манастир Успение на Пресвета Богородица Трескавец, каде тамошните луѓе зборуваа за историјата на манастирот. Патот го продолжија кон Кичево. Во попладневните часови, ги посетија Вевчани и Вевчанските извори, а потоа се упатија кон Охрид.Следниот ден, во утринските часови, се упатија кон Св.Наум каде учениците имаа можност да го посетат манастирот Св.Наум, како и да прошетат покрај изворите на Охридското Езеро. Попатно го посетија Музејот на вода. Таму учениците беа восхитени од убавините на самиот музеј и имаа можност да видат како изгледале наколните живеалишта на вода во Праисторијата-металното време. Во Охрид беше посетена Самоиловата тврдина и Плаошник со црквата Свети Климент и познатата Охридска книжевна школа. Го видоа и охридскиот чинар – јаворот, илјадалетно медитеранско дрво на кое му е продолжен животот пред повеќе од две децении. Тој е граница на влијанието на медитеранската клима. Учениците уживаа шетајќи покрај охридското пристаниште и низ старата Охридска чаршија и стариот град. Во пладневните часови се упатија кон Лозово. Попатно беше посетен градот Битола, каде учениците се прошетаа низ познатиот Битолски широк сокак.